Эх сурвалж: trendy.mn Эрдэмтэн мэргэд олон жилийн турш явуулсан судалгааны эцэст эмэгтэйчүүд эрчүүдээс илүү гэдгийг баталжээ. Шинжлэх ухаан алдана гэж байхгүй. Эмэгтэйчүүд урт насладаг Шинэ Англи дахь Урт наслалтыг судлах хүрээлэнгээс ингэж батласан. Хүн төрөлхтний түүхэнд 100 нас хүрсэн хүмүүсийн 85 хувь нь эмэгтэй гэнэ. Эмэгтэйчүүд мөнгийг ухаалаг зарцуулдаг Английн Ледбери хотын судалгааны төв, Барклай сангийн судалгаагаар эмэгтэй хөрөнгө оруулагчид илүү найдвартай гэдэг нь батлагдсан байна. Эрчүүдийн биенд тестостерон илүү байдаг тул тэд эрсдэл гаргадаг, найдваргүй хувьцаа худалдан авах зэрэг алдаа гаргадаг байна. Эмэгтэй жолооч илүү сайн Энэ бол эрчүүдэд хүн д цохилт болох үр дүн. Нью-Йорк хотын Цагдаагийн газрын статистик тоо баримтыг үзэхэд явган зорчигчийн амь насыг хохироосон жолоочдын 80 хувь нь эрэгтэй байжээ. Сайн удирдагчид эмэгтэй байдаг Эмэгтэй даргатай компани илүү тогтвортой ажилладгийг Германы “Эдийн засаг” сэтгүүлийн шинжээчид тогтоожээ. Эмэгтэйчүүд...
Хамгийн сүүлд шинээр илрүүлсэн солир 10 жилийн дотор дэлхийтэй мөргөлдөж магадгүй хэмээн Европын сансрын агентлаг тооцоолон эрсдлийн жагсаалтдаа нэмжээ.
Европын сансрын агентлаг шинэ солир илрүүлмэгцээ дэлхийн ойролцоох өндөр эрсдэлтэй сансрын биетийн жагсаалтад нэмсэн байна. Тэдний тооцоолсноор уг солир 2029 оны наймдугаар сарын 31-нд дэлхийтэй мөргөлдөж магадгүй аж.
2020 PG6 хэмээн нэрлэсэн дээрх солир 46 мянган км/цаг гаруй хурдтайгаар дэлхий рүү чиглэн ирж байгаа аж. Гэхдээ солирын хэмжээ 14 метр диаметртэй буюу харьцангуй жижиг тул дэлхийг онож ирлээ ч төдийлөн хохирол учруулахгүй хэмээн эрдэмтэд найдаж буй юм байна.
Харьцуулж үзэхэд тус солир 2013 оны хоёрдугаар сард ОХУ-ын газар нутагт агаарт дэлбэрсэн 18 метр диаметртэй Челябинск солиртой төстэй хэмжээтэй юм. Тиймээс унасан газрынхаа хэдэн мянган барилгыг сүйтгэх эрсдэл бий гэсэн үг юм.
Хожим Челябинск солирын дэлбэрэлтийг судалж үзээд эрдэмтэд солир дэлбэрэх үедээ 30 атомын бөмбөгтэй тэнцэх хэмжээний энерги ялгаруулсан хэмээн үзсэн байдаг.
Агентлагийн үзэж буйгаар 2020 PG6 солир дэлхийг мөргөх магадлал маш өндөр буюу 416-д нэг гэнэ. Энэ жилийн есдүгээр сарын 2-нд тус солир дэлхийтэй хоёр сая гаруй км зайтай зөрөх бөгөөд тэр үеийг ашиглаж сансар судлаачид 2020 PG6-г илүү сайн судлахаар бэлдэж байгаа аж.
Эх сурвалж: RT www.news.mn
Comments
Post a Comment